- 017 -
1475 (9. stycznia) Wrocław, w poniedziałek po Trzech Królach etc.
Król Maciej KorwinMaciej Korwin (łac.: Matthias Corvinus, węg.: Hunyadi Mátyás, zwany Sprawiedliwym, węg. Igazságos), król Węgier, Chorwacji od 1458 i Czech od 1469 roku. zarządza bicie kolejnej królewskiej monety przez Radę miasta Wrocławia.
— Wir Mathias von gotes gnaden zw Hungern Beheim Dalmacien Croacien etc. konig, marggrave in Merhern, hertzoge in Slezien etc. bekennen offenlich mit disem brive fur uns und unser nachkomen konige zu Behaim. Als wir auf donirstag nagst vergangen [15. grudnia 1474 r.] ainen berufften fürstentag hie zw Bresslaw gehalten und unter andern uns mit den landen dieser unser fürstentumbeSlezien, Obern und Nidern Lausitz ainer gemainen muntz vertragen auch verrer muntz zu schlahen verainet, als nach ynhalt aines brives daruber begriffen, den wir mitsambt unsern landen und steten versigelt haben, deshalb uns nicht fuglicher gedewcht hat solhe muntz zu schlahen dann hie in unser stat Bresslaw, und so wir nw mit steten wesen in disen unsern furstenthumen nit gesein mogen, dardurch dan solhe unser muntz so yetz geschlagen sol werden, wesenlich und bestentlich gehalten wird, haben wir auss sonderm vertrawen, so wir dann zu den ersamen weisen unsern getrewen lieben unsern burgern gemainklich hie zw Bresslaw tragen, uns mit den ratsmannen derselben unser muntz halben vertragen wie hernach volget. Von erst das die ratmann ye zw zeiten an unser stat und in unserm namen solhe muntz mit gesworen muntzmaistern giessern zaynern bragernBicie monety. und allen andern arbaitern probirern und aufzihern versehen, groschen und halbe groschen, der ain gemischte marckh Wienner gewichts funf lot feines silbers auch Wienner gewichts, und ain gemischte marck Wienner gewichts der haller funfzehen quinte feines silbers desselben gewichts haben und halten sollen, der bemelten groschen an der aufzal ye auf ain Wienner march hundertundzwaintzigk, der halben groschen zwayhundertundvirtzigk und der haller naintzig groschen, ye zwelf haller fur ainen groschen zu rechnen, und nicht mynder geen und halten sollen. Dieselbe unser muntz grosch und klein sol auch ordenlich und sewberlich mit bedewtlichem und sichtiklichem auch gantzem gepracht auf das alt unser kuniglichen wappen und zaichen geschlagen und gemacht werden. Wir sollen auch unsern gesworen anwalte bey solcher unser muntz haben, also das kain muntz so geschlagen wirt ausgegeben noch iren gangk haben sol, sy sey dann vor in beywesen unsers anwalts durch die gesworen probirer probiret an dem koren und gerecht an der aufzal erfunden. Und alsz offt als ain werckh probiret und aufgezogen wirt, sollen wir von der marck feines silbers Wienner gewicht zu rechtem schlagschatz achtundvirtzigk groschen derselben unser muntz haben, solhen schlagschatz, der nach der zal der marcken sich erfinden wirt, unser anwalde alsdann albeg aufschreiben, und die ratmannen den nach unsern geschefften uns zu raichen verpflicht sein sollen. Und wann nw die muntz an den wechssel nit wol gehanthabt kann werden, so haben wier hie denselben unsern burgern vergonnet und verwilliget, dazsy den wechssel hie in unser stat BresslawWrocław NambselNamysłów und NewenmarchtŚroda Śląska auch haben und den besetzen mogen, also das der oder die so durch sy zu dem wechssel beschaiden wurden und sunst nyemande den treiben sollen, doch also das es in dem wechssel also bestellt, das die lewt, baide gesst und ynwoner, nit zw hoch beswert werden. Den beschaiden wechslern und sunst nyemande gepurt auch auf den gulden ain zimlich zal haller zu geben, sonst so sollen die ratsmannen bestellen und das hanthaben, das der gulden uber virtzigk groschen weder gegeben noch genomen werde. Was silbers auch in den wechssel komen wirt, sol albeg wider in die muntz gelifert und sunst nindert hine verkaufft werden, alles getrewlich und ungeverlich.
Des zw warem urkunde geben wir den bemelten unsern burgern unser stat zu Bresslaw disen unsern brive mit unsern konigklichen anhangenden insigel bekreftiget, der geben ist in der bemelten unser stat Bresslaw an montag nach der heyligen drey konig tag nach Cristi unsers lieben hern geburde virzehenhundert und darnach im funfundsibensigisten, unser reiche des Hungrischen etc. im sibenzehenden und des Behamischen im sechsten iaren.